Sentyabrın 27-də erməni silahlı bölmələrinin atəşkəs rejimini növbəti dəfə pozaraq mövqelərimizi atəşə tutması nəticəsində silahlı qüvvələrimizin şəhid olan leytenantı Baxışlı Allahverdi Əbülfəz oğlu anadan olduğu Hacıqabul rayonunda Hacıqabul Şəhidlər Xiyabanında torpağa tapşırılıb.
ANS TV-nin məlumatına görə, ötən gün cəbhənin Beyləqan istiqamətində düşmənin açdığı atəş nəticəsində şəhid olan ordumuzun zabiti Allahverdi Baxışlının nəşi dəfn olunması üçün doğulduğu Hacıqabul rayonuna gətirilib. 23 yaşlı Allahverdi evin tək oğlu, subay olub. Cəmşid Naxçıvanski adına hərbi məktəbi bitirdikdən sonra ön cəbhəyə yollanıb. 
Səngər yoldaşları şəhid leytenantın döyüş postunda qəhrəmanlığından söz açdılar.
Şəhid zabitimizin dəfni xüsusi qaydalarla həyata keçirildi. Azərbaycanın dövlət bayrağına bükülmüş nəşi hərbi qarovulun müşayiətilə Şəhidlər Xiyabanına gətirildi.
Şəhid Allahverdi baxışlının dəfnində izdiham yaşanır, onun dəfnində Müdafiə Nazirliyinin daxil qoşunlar, xidmət etdiyi hərbi hissəsənin əsgərləri iştirak eliyir.
Əvvəlcə Dini ayinlər icra edildi. Şəhidin ruhuna dualar oxundu. Sonra havaya yayılım atəşi açıldı.
Döyüş bayrağı nəvəsi və oğlu şəhid olmuş Baxış kişiyə verildi. Allahverdi Baxışlı Şəhidlər Xiyabanında torpağa tapşırıldı. Yaxınları, onu tanıyanlar şəhid leytenantla bağlı fikirlərini bölüşdülər.
Şəhidin yaxını Bayram Məmmədov deyir ki, biz onun elə tərbiyə etmişdik ki, həqiqətən də biz ondan bu qeyrəti və qəhrəmanlığı gözləyirdik.
“Atasının yolunu davam edirmiş və qəhrəmancasına həlak olmuşdu. Allah rəhmət eləsin!” – deyə şəhidin yaxını Asif Kərimov qeyd edib.
Baxışlılar ailəsi iki şəhid verib. Allahverdinin atası Əbülfəz Baxışlı 1994-cü ildə Ağdam uğrunda gedən döyüşlərdə şəhid olub. 
Allah bütün şəhidlərə rəhmət eləsin!